Viðskiptasendinefnd Íslands á COP29 - kynningarfundur
Grænvangur, í samstarfi við umhverfis-, orku- og loftslagsráðuneytið, heldur utan um þátttöku viðskiptasendinefndar Íslands á COP29. Kynningarfundur verður haldinn þriðjudaginn 7. maí kl. 8.30-10.00 í Arion banka.
Undanfarin ár hefur Ísland sent viðskiptasendinefnd á COP, samhliða samninganefnd Íslands. Hlutverk viðskiptasendinefndar er að halda á lofti framlagi Íslands í loftslagsmálum, kynna Ísland og þær lausnir sem það hefur upp á að bjóða ásamt því að sækja þekkingu og reynslu hingað heim. Opnað hefur verið fyrir umsóknir um þátttöku í viðskiptasendinefnd Íslands. Á kynningarfundinum verður veitt innsýn inn í COP29 og fyrirkomulag þátttöku atvinnulífsins.
Dagskrá
- Nótt Thorberg, forstöðumaður Grænvangs
- Helga Barðadóttir, sérfræðingur hjá umhverfis-, orku- og loftslagsráðuneytinu og formaður samninganefndar Íslands á COP29
- Hjalti Páll Ingólfsson, framkvæmdarstjóri GEORG – rannsóknarklasa í jarðvarma
- Finnur Ricart Andrason, forseti Ungra umhverfissinna
- Hans Orri Kristjánsson, verkefnastjóri innlends samstarfs hjá Grænvangi
Húsið opnar kl. 8:30 og fundurinn hefst kl. 9:00.
Hér er hægt að nálgast viðburðinn á Facebook.