Góð þátttaka í haustferð Félags löggiltra rafverktaka
Góð þátttaka var í haustferð Félags löggiltra rafverktaka en að þessu sinni var farið í Borgarfjörð. Rafverktakarnir komu við að Stóra Kroppi, Húsafelli og Kolstöðum með viðkomu á Brúarási. Hópurinn naut leiðsagnar Helga Eiríkssonar í Lúmex sem þekkir hverja þúfu á þessum slóðum. Páll á Húsafelli spilaði á steinhörpu fyrir hópinn en auk þess var skoðuð ein af þremur virkjunum við Húsafellsvirkjun sem nefnd er Urðarfellsvirkjun. Í lok ferðar bauð Lumex og Rafport upp á kvöldverð á Kolstöðum.
Komið var við á Stóra-Kroppi og skoðaðar framkvæmdir.
Urðarfellsvirkjun, nýjasta virkjunin við Húsafell var skoðuð.
Páll á Húsafelli spilaði á steinhörpu fyrir hópinn.
Páll á Húsafelli.
Rafport og Lúmex buðu til veislu á Kolstöðum.