Kröftug merki um viðsnúning í hagkerfinu
Ingólfur Bender, aðalhagfræðingur Samtaka iðnaðarins, segir í forsíðufrétt Morgunblaðsins að samtökin hafi ekki gert hagspá en hins vegar séu kröftug merki um viðsnúning á breiðum grundvelli í hagkerfinu. Þar með talið í iðnaðinum. „Ég myndi reikna með að síðari hluti ársins verði mjög góður og að við munum sjá mikinn vöxt frá árinu 2020. Samanburðurinn er hins vegar við samdráttarár í fyrra og við eigum nokkuð í land með að ná upp sömu landsframleiðslu og við vorum með fyrir niðursveifluna,“ segir Ingólfur í Morgunblaðinu.
Morgunblaðið / mbl.is, 30. júní 2021.